20 лютага на 2 курсе факультэта ПіМ адбылася літаратурная імпрэза “Чытаем сусветную класіку па-беларуску”, прымеркаваная да Міжнароднага дня роднай мовы. Гучалі паэтычныя творы і празаічныя ўрыўкі У. Шэкспіра, П. Шэлі, А. Талстога, Г. Ахматавай, Л. Олкат і інш. ў перакладзе на беларускую мову.

Будучыя выдаўцы паразважалі над неабходнасцю перакладу сусветнай літаратуры, параўналі арыгінал “Яўгена Анегіна” А. Пушкіна і два пераклады на беларускую мову, зробленыя  А. Дударом і А. Куляшовым. Студэнты абмеркавалі праблемы дакладнасці і мастацкага ўвасаблення аўтарскага слова праз прызму майстэрства перакладчыка, адзначылі, што пераклад літаратуры на мовы свету – гэта пашырэнне і ўзбагачэнне культуры чалавецтва.