Все новости
10.11.2015Наука

Воркшоп у Ольдэнбургу


5–7 лістапада 2015 года загадчык кафедры беларускай філалогіі БДТУ дацэнт М.В. Трус прыняў удзел у рабоце Міжнароднага воркшопа (семінара) “Гісторыя літаратуры Беларусі”, арганізатарам якога выступіў нямецкі Інстытут славістыкі Ольдэнбургскага ўніверсітэта імя К. Асецкага (дырэктар – прафесар Гун-Брыт Колер). З беларускага боку мадэратар  прадстаўнічай навуковай сустрэчы – дацэнт БДУ П.І. Навуменка.

Воркшоп быў прысвечаны тэарэтычным і метадалагічным праблемам стварэння нямецкамоўнай “Гісторыі літаратуры Беларусі”, адрасаванай студэнтам і шырокай чытацкай аўдыторыі, – беспрэцэдэнтнаму міжнароднаму праекту ў найноўшым дыскурсе літаратурнай гістарыяграфіі.

У мерапрыемстве бралі ўдзел навукоўцы, стваральнікі выданняў па гісторыі нацыянальных літаратур з Аўстрыі, Беларусі, Вялікабрытаніі, Германіі, Польшчы. Дацэнт М.В. Трус прадставіў даклад “Савецкая беларуская літаратура 1940 – 1980-х гг.: крытычны перагляд”.

  
Павел Навуменка (Беларусь) і Гун-Брыт Колер (Германія).     Ральф Грутэмаер (Германія) і Гун-Брыт Колер (Германія).

      
    
   У час правядзення круглага стала.                                                   Сяргей Кавалёў (Польшча) і Мікалай Трус (Беларусь).

           У час агляду старога Ольдэнбурга. Злева направа: Сяргей Гаранін, Мікалай Трус, Іван Ясюк, 
           Ганна Міхальчук (Беларусь); Галін Ціханаў (Вялікабрытанія), Мікалай Хмяльніцкі (Беларусь), 
           Сяргей Кавалёў (Польшча), Томас Вайлер (Германія).


Автор: Шипко И. А.
Просмотры: 369