Все новости
12.10.2016Наука

Гомельская камандзіроўка


У першай дэкадзе кастрычніка загадчык кафедры рэдакцыйна-выдавецкіх тэхналогій Уладзімір КУЛІКОВІЧ і яго выхаванка — лаўрэат Рэспубліканскага конкурсу навуковых работ сярод студэнтаў і магістрантаў Рэспублікі Беларусь (2015 г.) студэнтка 4 курса факультэта ПіМ спецыяльнасці «Выдавецкая справа» Ксенія ТАРАСЕВІЧ прынялі актыўны ўдзел у Міжнародных навуковых чытаннях “Рэгіянальнае, нацыянальнае і агульначалавечае ў славянскіх літаратурах”, прысвечаных памяці народнага пісьменніка Беларусі І. Я. Навуменкі.

Даклад У. Куліковіча на пленарным пасяджэнні называўся “Абрэвіятуры, складаныя словы і варварызмы ў рамане І. Навуменкі “Сасна пры дарозе” як адлюстраванне актуальных рэалій тагачаснага жыцця”. Даклад К. Тарасевіч на секцыі “Літаратура ў эпоху глабалізацыі” — “Тыпалагічныя асаблівасці афармлення кніг І. Навуменкі”.

Падчас мерапрыемстваў, што ладзіліся ў рамках канферэнцыі, удзельнікі пабывалі ў музеі рэдкай кнігі, здзейснілі экскурсію на цеплаходзе па рацэ Сож, наведалі філіял Веткаўскага музея і гарадскі парк Гомеля.

Поводле слоў нашых прадстаўнікоў на канферэнцыі, ім запомніліся цікавыя сустрэчы-знаёмствы з прафесарам Арнольдам Макмілінам з Лонданскага ўніверсітэта, прафесарам Колер Гун-Брыт (Ольдэнбургскі ўніверсітэт, Германія), прафесарам Васілём Шурам (Мазырскі дзяржаўны педагагічны ўніверсітэт імя І. Шамякіна).

Акрамя гэтага, Уладзімір Іванавіч правёў прафарынтацыйную сустрэчу з настаўнікамі Гомельшчыны ў абласным інстытуце развіцця адукацыі, на якой прысутнічалі 92 педагогі амаль з усіх куткоў Гомельскай вобласці. Загадчык кафедры распавёў пра спецыяльнасці і спецыялізацыі Беларускага дзяржаўнага тэхналагічнага ўніверсітэта, пра перспектывы выпускнікоў.

Новікава Дарына, студэнтка 4 курса факультэта ПіМ


Падчас перапынку. Злева направа: падпалкоўнік І. Маруняк, К. Тарасевіч, прафесар Колер Гун-Брыт, У. Куліковіч,
дацэнт П. Навуменка (сын І. Навуменкі)




Куліковіч з выхаванкамі. Злева К. Тарасевіч, справа выпускніца факультэта ПіМ (2015 г.) Т. Маруняк



У. Куліковіч падчас выступлення на пленарным пасяджэнні




Падчас сустрэчы з настаўнікамі 

Гомельшчыны



Выступленне перад педагогамі Гомельскай вобласці




 

Аўтографы на памяць




 

Ля Гомельскай абласной бібліятэкі. Злева направа: Прафесар В. Шур (Мазыр), дацэнт У. І. Куліковіч, дацэнт А. Салахаў (Мазыр)


Автор: Шпаковский Ю. Ф.
Просмотры: 454