Все новости
10.12.2014Культура

Архіўныя знаходкі года


9 снежня 2014 года ў Літаратурным музеі Максіма Багдановіча адбылася вечарына “З глебы на прастор прабіцца”, прымеркаваная да дня нараджэння класіка беларускай літаратуры і прысвечаная сёлетнім архіўным знаходкам.

Пра свае плённыя пошукі і знаходкі распавядалі дырэктар Дэпартамента па архівах і справаводству Уладзімір Адамушка, дырэктар Беларускага дзяржаўнага архіва-музея літаратуры і мастацтва Ганна Запартыка, вядучы навуковы супрацоўнік мемарыяльнага музея М. Багдановіча “Беларуская хатка” Ірына Мышкавец, паэт Навум Гальпяровіч, літаратуразнавец Ціхан Чарнякевіч. Музычную частку вечарыны прадстаўляў гурт “Нельга забыць”.

Загадчык кафедры беларускай філалогіі БДТУ дацэнт Мікалай Трус расказаў пра выяўленыя ім невядомыя публікацыі “Беларускага адраджэння” і “Апокрыфа”  М. Багдановіча ў перакладзе на ўкраінскую мову, а таксама невядомыя факты гісторыі першавыдання паэтычнага зборніка “Вянок” (1913). Знаходкі сталі фактаграфічнай асновай шэрагу сёлетніх публікацый М. Труса ў навуковым і метадычным часопісе “Роднае слова”.

Дырэктар Літаратурнага музея МБагдановіча Марына Запартыка і
загадчык кафедры беларускай філалогіі БДТУ Мікалай Трус.


Мікалай Трус, Ганна Запартыка, Уладзімір Адамушка, Навум Гальпяровіч.

Удзельнікі музычнага гурта “Нельга забыць”.




Автор: Шипко И. А.
Просмотры: 135